Friday, February 5, 2010

Юу дуртайгаа л идэж, уу.

Эмчээ, зүрхэндээ ачаалал өгч дасгал хөдөлгөөн хийвэл урт насалдаг гэж сонслоо, энэ үнэн үү?

За даа, зүрхний цохилох тоо чинь хэмжээ хязгаартай шүү дээ, тэртээ тэргүй зүрх элэгдэж хуучрахаараа зогсчихдог юм чинь цохилтоо дэмий үрэх хэрэг байна уу даа. Чи бод л доо, хурдан давхилаа гээд машины эдэлгээ уртасдаг билүү?! Харин сайн унтаж амарч бай.


Махаа багасгаад, жимс ногоо түлхүү хэрэглэсэн нь дээр үү?

Манайхан юмыг жаахан логиктой бодмоор байгаа юм. Үхэр юу иддэг билээ ? Өвс ногоо. Өвс ногоо гэдэг чинь жимс ногоо, тэр дундаа эрүүл мэндэд нэн тустай навчит ногоо гэсэн үг. Тэгэхлээр үхрийн мах чанаад иднэ гэдэг чинь тэр чигээрээ ногоо идэж байна гэсэн үг. Харин үр тариа идье гэвэл тахиа ид. Гахайг бол дэмий байхаа, мэдэж байгаа биз дээ.

Архи дарсаа багасга гээд байх юм?

Огт болохгүй. Архийг буудайгаар, виног жимсээр хийдэг байхгүй юу даа. Жимсний шүүс л гэсэн үг. Пиво бол талх шүү дээ. Дуустал ууж бай.

Жин нэмэгдээд, биеийн өөхний харьцаа нэмэгдэх болов уу гэж айгаад пиво бол уудаггүй хүн дээ, би.

Бие, өөхний харьцаа юу? Биетэй бас өөхтэй хүнд 1:1 л байдаг байхгүй юу. Хэрвээ 2 биетэй бол 2:1. Дэмий юманд нервтээд яахав дээ.

Шарсан хуурсан хоолыг муу гээд байх юм?

Чи нэг л сайн ойлгохгүй байна даа. Хоол хүнсийг ургамалын тосонд шардаг байтал ургамал ногоо яахаараа муу байдаг билээ.

Тэгвэл шоколад?

Юу гэсэн үг вэ. Какао чинь буурцаг. Өөр төрлийн л ногоо.

Усанд сэлвэл биеийн хэлбэр сайхан болдог уу?

Хэрвээ тийм бол халим фигурный байх байсан даа. Ер нь энэ хүмүүсийн ам дамжсан буруу ойлголтыг залруулмаар л байгаа юм даа. Чам шиг эрүүл мэнддээ анхаардаг хүмүүст зөв мэдээлэл өгөх нь үнэхээр чухал. Судалгаа баримттай хэлж болж байна. Жишээ нь надад хэд хэдэн судалгаа байна.

1. Япончууд өөх тос маш бага хэрэглэдэг. Зүрхний өвчлөлөөр Америкаас бага.
2. Мексикчууд бол өөх тосыг их хэрэглэдэг.
 Зүрхний өвчлөлөөр Америкаас бага.
3. Хятадууд шарсан хоол их хэрэглэдэг. Зүрхний өвчлөлөөр Америкаас бага.
4. Италчууд улаан вино их уудаг. Зүрхний өвчлөлөөр Америкаас бага.
5. Германчууд пиво их уудаг. Зүрхний өвчлөлөөр Америкаас бага.

Энэ бүгдээс дүгнээд хэлэхэд Америкд л биш бол юу дуртайгаа л идэж уу.

2 comments:

  1. хаха за за ашгүй нэг эмч хүний амнаас ийм үг сонсож санаа амарлаа

    ReplyDelete
  2. Darmaa naizaa. Bolomjiig aldahgui baih talaar saihan zuirlel baina shuu.
    Ooriin tani tuhaid bolomjuudiig her aldalgui esbel aldsan ch baij bolno bytskhan tuukhee bicheech gej husee . Busdad sonirholtoi baij medne shdee .
    Tiim uu ...
    Nazidaa amidrald ni sain saikhniig dandaa husej bdag shuu. Yumiig chin setgeleesee hiihed bi dandaa durtai bdag minii naiz ch tiim gej bi itgej ybdag . OK

    ReplyDelete

Их уншигдсан бичлэгүүд