Thursday, December 20, 2007

Трихомоназ


Трихомоназ ямар өвчин бэ ?
Трихомоназ бол эмэгтэйчүүдэд ихэвчлэн үтрээний үрэвслийн шинж тэмдгээр илэрдэг бэлгийн замын халдварт өвчин (БЗХӨ) юм. Трихомоназтай ихэнх эрчүүдэд ямар нэг шинж тэмдэг илэрдэггүй тул тэд эмчлүүлдэггүй байна. Тиймээс эрчүүд трихомонадын хадгалагч, халдвар тараагч болдог. Трихомоназ нь бусад БЗХӨ-нүүдтэй хавсарсан байж болно.


Трихомоназын үүсгэгч нь юу вэ ?
Үтрээний трихомоназын үүсгэгч нь трихомонадын багт хамаарах Trichomonas vaginalis хэмээх шилбvvртэн бөгөөд бидний мэдэх амёб, шаахай зэрэг эгэл биетүүдийн нэгэн адил нүдэнд үл үзэгдэх нэг эст бичил биетэн юм. Трихомонад нь шээс, бэлгийн замд үржин олширч, хучуур эдийг гэмтээн үрэвсэл үүсгэдэг бөгөөд бэлгийн замаар дамжин халдварладаг.

Ямар шинж тэмдэг илэрдэг вэ ?
Эмэгтэйчүүдэд илэрдэг шинж тэмдгүүд :
-vтрээнээс цайвар шар эсвэл ногоон өнгийн хөөсөрхөг шингэн ялгарах-42%
-үтрээнээс эвгүй үнэр гарах-50%
-гадна бэлэг эрхтэн улайж хавдах, загатнах -30%
-Шээх үед өвдөх, хорсох
-Бэлгийн харьцааны үед хорсож өвдөх

Эрэгтэйчүүдэд илэрдэг шинж тэмдгүүд:
- шээсний сүв үрэвссэнээс (уретрит) шээх үед бага зэрэг хорсож өвдөхийг эс тооцвол ямар нэгэн тодорхой шинж тэмдэггүй байдаг.

Трихомоназыг эмчүүлээгүй үед ямар нэгэн хүндрэл гарах уу ?
Трихомоназыг эмчлvvлэхгvй удвал архагшин, хурц vеийн зовиур шаналгаа намддаг тул өвчтэй хvн тайвширдаг. Эмчлүүлээгүй тохиолдолд өмнө дурдсан шинж тэмдгүүд даамжирч улмаар умайн хүзүү, умай, умайн гуурсанд халдвар тархаж үрэвсэл үүсгэдэг. Ингэсэн тохиолдолд хэвлийн доод хэсгээр өвдөх, халуурах цаашлаад үргүй болох, умайн гадуур жирэмслэх зэрэг хүндрэлүүд бий болдог. Хэрвээ жирэмсэн үед халдвар авбал хүүхдийн эрүүл мэндэд сөргөөр нөлөөлж, хүүхэд жин багатай төрөх шалтгаан болдог. Эрэгтэй хvний шээс бэлгийн зам vрэвссэнээс шээсний сvв нарийсан сорвижих, шээс тасалдах, хаагдах, түрүү булчирхайг үрэвсүүлэн улмаар vргүй болж болно.

Трихомонадаар халдварласан гэдгээ хэрхэн мэдэх вэ ?
Трихомоназ шинж тэмдэг илэрсэн тохиолдолд эмэгтэйчvvдийн болон урологийн эмчид хандаарай. Трихомоназыг оношлоходоо эмэгтэй хvний vтрээний ялгадас, эрэгтэй хvний шээсний сувгаас гарах ялгадас, түрүү булчирхайн шүүрлийг авч микроскопоор трихомонадыг илрүүлдэг. Мөн хурдавчилсан тестээр илрүүлж болохоос гадна түүнээс илүү нарийн аргуудыг ашиглаж болдог.

Хэрхэн эмчлэх вэ ?
Өвчний шинж тэмдэг илэрмэгц даруй эмчид vзvvлж шинжлvvлэн, тууштай эмчилгээ хийлгэх шаардлагатай. Трихомоназыг метронидазолын бvлгийн эмээр эмчилдэг. Хэрвээ бэлгийн замын халдварт өвчнүүдтэй хавсарсан тохиолдолд метронидазолыг бусад нянгын эсрэг бэлдмэлүүдтэй хамт хэрэглэдэг. Мөн шаардлагатай тохиолдолд хэсэг газрын эмчилгээнд лаа, дархлаа сайжруулах бэлдмэлүүд, амин дэм болон физик эмчилгээг хийдэг. Метронидазол эмийг хэрэглэх хугацаанд архи, спиртийн төрлийн ундаа хэрэглэхийг хатуу хориглоно. Хэрэглэсэн тохиолдолд эмийн гаж нөлөө илрэхээс гадна өвчний явц хүндэрч архагшдаг. Үүнээс гадна трихомонад нь өөрийн бие дотроо бактер, вирусыг (ялангуяа заг хүйтэн өвчний үүсгэгчийг) агуулж байвал бүр ч хортой юм. Эдгээр бактерууд нь трихомонадын дотор байхдаа эмийн үйлчилгээнд өртдөггүй учир трихомонадыг устгаж эмчлэхгүй бол бэлгийн замын бусад хавсарсан өвчнүүд эмчлэгдэх боломжгvй байдаг.

Хэзээ бэлгийн харьцааг үргэлжлүүлж болох вэ ?
Эмчилгээ дууссанаас хойш дор хаяж 1 долоо хоног бэлгийн харьцааг тэвчих нь зүйтэй. Эмчилгээний дараа шинж тэмдгүүд арилахгүй дахин илэрч байвал даруй эмчид хандаарай.

Гэр бүлийн хүн, бэлгийн хамтрагч юу хийх ёстой вэ ?
Трихомоназ нь бэлгийн замын халдварт өвчин учраас таны бэлгийн хамтрагч , гэр бүлийн хүн танд уг халдварыг дамжуулсан, эсвэл авсан байх магадлал өндөр тул хоёул нэгэн зэрэг эмчлүүлэх ёстой. Хэрвээ таны бэлгийн хамтрагч эмчлүүлээгүй бол та дахин халдвар авах болно гэдгийг хатуу санах хэрэгтэй.

Энэ өвчнөөр дахин дахин өвдөж болох уу ?
Болно. Учир нь энэ өвчний үед дархлаа тогтдоггүй. Та халдвар авсан бол эмчилгээнд хамрагдаж бүрэн эмчлэгдэх хүртлээ трихомонадыг бусдад халдварлуулах боломжтой. Таны бэлгийн хамтрагч халдварласан тохиолдолд түүнийг бүрэн эмлэгдэх хүртэл та халдвар авах эрсдэлтэй. Трихомонад нь аман болон шулуун гэдсээр бэлгийн харьцаанд орох үед ч халдварлах бүрэн боломжтой.

Хэрхэн урьдчилан сэргийлэх вэ ?
Тохиолдлын бэлгийн хавьтлаас шууд татгалзах, хосууд бие биедээ үнэнч байх, бэлгэвч хэрэглэх халдвараас хамгаална. Мөн халдварласан тохиолдолд бүрэн төгс эмчлүүлэх нь таны бэлгийн хамтрагчыг уг халдвараас сэргийлнэ.

20 comments:

  1. хэрэгтэй мэдээлэл өгсөнд баярлалаа

    ReplyDelete
  2. сайн байна уу?
    надад хариулт өгч тусална уу? би энэ бэлгийн замын өвчний талаар мэдээлэл маш муу л да. задгай бэлгийн хавьталт ороод байдаггүй учраас, гайгүй л гэж бодож байлаа харин саяхнаас энэ өвчний шинж тэмдэг илэрсэн юм байна одоо арилцана л даа гэхдээ ямар ч эмчилгээ хийлгээгүй, хэдий зовиур н арилсан ч энэ өвчин байгаа гэсэн үг үү? би одоо яах ёстойн бол ямар эмчилгээ хийлгэх вэ?

    ReplyDelete
  3. Medleg tugeej baigaa Tand urgelj talarhaj baidag shuu. Tand tomoos tom amjilt husye.

    ReplyDelete
  4. em tarianiih n neriig n helj uguuch bi umnun emiin avj bsan neriin martchij

    ReplyDelete
  5. emnelegt ochohguigeer emchleh bolomj bnuu shinjilgeenii hariu ter owchin gj garsan

    ReplyDelete
  6. ymar em taria hereglej edgereh we

    ReplyDelete
  7. метронидазол гэдэг эмийг л өдөрт 500мг-аар бол 2 удаа, 250мг-аар бол 4 удаа уудаг. 7 хоног.
    эмэгтэйчүүд трихополтой лаа доогуураа хийдэг. тэр лаанууд нь маш олон төрөл, гэхдээ найрлаганд нь дандаа метронидазол буюу трихопол орсон байдаг. жишээ нь микожинакс неопенотран клеон Д гээд л. энэ эм өөрөө их өргөн үйлдэлтэй хүчтэй антибиотик учраас 5-7 хоног уухад мөөгөнцөртүүлдэг. ингээд араас нь мөөгөнцөрөө эмчлэх гэж мөөгөнцөрийн лаа, эм ууна. эмчлэхгүй хаяж болохгүй маш их загатнана, тараг шиг цагаан өтгөн юм гарна. заавал араас нь мөөгөнцөрийн эм лаагаа хэрэглээрэй. бас элэг муутай хүмүүс БЗХӨ-ний үед уудаг метронидазол доксициклин зэрэг эмүүдийг эмчийн заавараар хэрэглэхгүй бол эдгээр эм нь хор нөлөө ихтэй элгэнд.

    ReplyDelete
  8. энэ өвчин ахуйн замаар хүүхдэд халдах уу

    ReplyDelete
  9. sn bnu ene uwchni talaar zurgan helbereer ch yumu oruulj blxu?

    ReplyDelete
  10. hunduurlj uwdux suuxar uwdux mash ix zagatnax ene toxioldold yaax we

    ReplyDelete
  11. geriin argaar unendee guitset emchleh bolomjgui

    ReplyDelete
  12. ene uwchinii shinj ilreed 3 jil bolson jil daraallan haldwartiin belgiin zamiin uwchnii shinjilgee ughud ilrehgui bsn shinj temdeg n harin huwiin emlegt turuu bulchirhain shuurlees awsan shinjilgeeger ene uwchin ilerch tehed ymar uwchteige medsen ulsiin emleg naidlaggu bolson bnle shu huwiin sain emlegt handwal iluu deer huwiaraa emchilne gd bga humuus shinjilgegu yaj emchilj yaj buren edgersenee medeh gd bga humuus we

    ReplyDelete
  13. Sain bnu ene hvvhded haldah bolomjtoi yu haldsan tohioldold yaj emchleh we

    ReplyDelete
  14. Sn bnuu ene owchin ahuin zamaar haldwarlaj bolohuu 2hosiin dund gadnaaas 3dagch gj bhku bgama

    ReplyDelete
    Replies
    1. Сайн байна уу харин тийн гайхаад байх юм би нөхөртэйгөө сүүлийн 5 6жил ажилд ч тэр бүх зүйлд байнга хамт байгаа өөр газар тусдаа хонож байгаагүй гэтэл энэ өвчнийг туссан байх юм яагаад

      Delete
    2. Энэ өвчин бэлгийн хавьтлаас өөр замаар халдварлаж болох уу?

      Delete
  15. ямар2 лаа хийвэл зүгээр болох бол?

    ReplyDelete
  16. Энэ эмчлүүлэх гэсэн юмаа ямар хувийн эмнэлэг сайн бэ

    ReplyDelete

Их уншигдсан бичлэгүүд